Morlansko igogailua geldituko dute asteazkenetik ostiralera, mantentze lanak direla eta
(Argazkia: Donostiako Udala) 
Donostiako Udalak iragarritakoaren arabera, asteazkenean Morlansko igogailuak geldialdi teknikoa egingo du, eta egun batzuetan ez da erabilgarri izango. Hain zuzen, ostiralean amaituko dituzte mantentze lanak, beraz, asteburuan berriro egongo da martxan. “Zehazki, maniobraren eta kabinaren arteko anizkunak ordeztuko dira, akatsak eta etenaldi etengabeak gertatzen ari direla ikusi baita”, azaldu du udalak.
