Izarok itxiko du DK Etxean egitasmoa
(Argazkia: Izaro Facebook) 
Izaro abeslariak Internet bidezko kontzertua eskainiko du ostiralean, hilaren 8an, 19:00etan, DK Etxean egitasmoari amaiera emateko. Hirukote formatuan joko du Izarok, Iker Lauroba gitarra jotzailearekin eta Garazi Esnaola teklatu jotzailearekin batera. Kontzertua Donostia Kulturaren Youtubeko kanalean ikusi ahal izango da, zuzenean.
Donostia Kulturak konfinamenduan zehar abian jarritako egitasmoa da DK Etxean, etxetik kulturarekin gozatu ahal izateko. 5-15 minutuko kontzertuak, bakarrizketak, koreografiak eta bestelako ikuskizunak eskaini dituzte asteotan, eta zuzeneko kultur jarduerak itzultzen diren heinean, horiek babesteko deia luzatu diete herritarrei.
