Erizainak zoriondu nahi izan dituzte Gipuzkoako pertsona ezagunek eta herritarrek Nazioarteko Erizainen Egunean
(Argazkia: Gipuzkoako Erizainen Elkargoa) Erizainak ezinbesteko lana egiten ari dira koronabirusaren krisialdian eta gaur egun berezia da eurentzat, Erizainen Nazioarteko Eguna baita. Hori dela eta, Gipuzkoako Erizainen Elkargoak bi bideo zabaldu ditu. Batean, Gipuzkoako pertsona ezagunak agertzen dira, eta bestean herritar anonimoak, erizainen lana aitortzen eta eskerrak ematen.
