Dbuseko 9 eta 14 lineetako zerbitzuak indartu dituzte
(Argazkia: Iñaki Agirre) 
Gaurtik aurrera Dbuseko 9. Egia-Intxaurrondo eta 14. Bidebieta autobusen zerbitzuak areagotuko dituzte, bai lanegutan baita larunbatetan ere. Ordutegi berriak lotura honetan ikus daitezke. Horrekin batera, Dbusetik jakinarazi dute lanean ari direla asteburu eta jaiegunetan zerbitzuak gehiago eskaintzeko, baita kendutako hainbat linea berreskuratzeko ere, eta datozen egunetan honi buruzko informazio gehiago iragarriko dutela esan dute.
Bestalde, 29. Hego Intxaurrondo lineak Bulebarrean duen autobus geltokia lekuz aldatuko da aldi baterako, Bulebarreko 19.era, alegia, 8. Gros-Intxaurrondo autobusa gelditzen den tokira.
