'Pikuak' websaila eitb.eus-en egongo da eskuragarri igande gauerditik aurrera
'Pikuak' websaileko kartela. 
Maddi Castrok zuzendutako Pikuak websaila EITBko webgunean ikusi ahal izango da igande gauerditik aurrera. Donostian bizi diren hiru nesken lan, ikasketa eta harreman kontuak kontatzen ditu, umorez, zortzi eta hamar minutu bitarteko hiru ataletan. Familia eta mugimendu feminista ere websailaren ardatzean daude.
Pikuak Durangoko azokan estreinatu zen, eta Tabakalerako 2-deo jaialdian eman zen ondoren. Galiziako Carballo Interplay eta Italiako Apulia Web Festerako hautatu dute aurten.
