Zein da hiriko zebrabiderik seguruena?
Donostiarrek gai honi buruz duten iritzia ezagutzeko, Irutxuloko Hitzak eta Kalapiek elkarlanean inkesta bat prestatu dugu. Parte hartu nahi duzu?
Donostiako semaforoen inguruko ikerketa bat egiten ari da Kalapie Hiriko Txirrindularitza Elkartea. Hiriko mugikortasuna erregulatzen dute semaforoek, eta ezinbestekoak dira oinezkoen, bizikleten eta motordun ibilgailuen trafikoa antolatzeko. Aldi berean, zebrabideen segurtasuna bermatzeko oso garrantzitsuak dira. Donostiarrek gai honi buruz duten iritzia ezagutzeko, Irutxuloko Hitzak eta Kalapiek elkarlanean inkesta bat prestatu dugu. Parte hartu nahi duzu?
Hirian oinez edo bizikletaz mugitzen bazara, baliteke noizbait ohartu izana semaforoen iraupen eta abiaduretan. Izan ere, nahikoa denbora izaten duzu semaforoa duen zebrabidea gurutzatzeko? Eta asko itxaron behar izaten duzu semaforoa berdean jarri arte?
Hain zuzen ere, Kalapie elkarteak denbora darama hiriko semaforoen iraupena eta abiadura aztertzen. Orain arte ikertutakoaren arabera, hiriko semaforo askok ez dute ezarritako denboren araudia betetzen. Besteak beste, semaforoa berdean jartzen denean zebrabidea gurutzatzeko denbora behar baino gutxiago da.
Donostiarren hitza garrantzitsua iruditzen zaigulako, galdera bati erantzuteko eskatu nahi dizugu: zein da hiriko zebrabide seguruena? Adierazi non dagoen, bidali zebrabidearen irudi bat eta arrazoitu zergatik iruditzen zaizun seguruena. Hobekuntzak ere proposatu daitezke, eta arriskua antzematen duzuen guneak ere salatu daitezke. Azkenean, inkesta honen helburua da hiria eta auzoak hobeto ezagutzea eta egunero egiten ditugun ibilbide horietan hobekuntzak proposatzea.
Zure iritzia helarazteko mezu bat bidali donostia@hitza.eus helbidera eta astindu sare sozialak #DonostiakoSemaforoak traolarekin. Eta gogoratu, aipatu Kalapie Txirrindularien Elkartea eta Irutxuloko Hitza Facebook, Twitter eta Instagramen egiten dituzuen iruzkinetan! Biltzen ditugun mezu guztiekin erreportaje bat egingo dugu. Animatu eta parte hartu, zuei esker informazio aberatsagoa lortuko dugu!
Zure ekarpena ezinbestekoa da Donostiako mugikortasuna hobetzen laguntzeko!
