Dbusen gautxori zerbitzua asteburuan abiaraziko dute berriz
Konfinamenduan zehar etenda izan ondoren, Dbusek gautxori zerbitzua berrabiaraziko du asteburuan. Ostiral honetatik, hilaren 26tik, aurrera jarriko dituzte martxan gautxoriak, baina ez dituzte iazko udan zituzten ordutegiak izango; ordutegia murritzagoa izango da. Izan ere, 2019ko udan ostiraletan zuten ordutegia izango dute, ostiraletan, larunbatetan eta jaiegun bezperetan. Gautxori guztietako ordutegiak Dbusen webgunean kontsultatu daitezke.
Era berean, emakumeentzako eta adin txikiko pertsona guztientzako eskaripeko geldialdi sistema abiarazi dute berriz, gautxorien ibilbideko hainbat puntutan.
