'Loiola got talent' txapelketa egingo dute Loiolan
Loiolako jai batzordeko kideak Eliza kalean, iazko jaiak hasi aurretik. (Argazkia: Ander Edo) 
Koronabirusa dela eta, auzoetako jaiak bertan behera utzi dituzte, baina Loiolan, beste auzo batzuetan egiten ari diren moduan, alternatibak bilatzen ari dira. Horregatik, jaiak beste era batera egingo dituzte, eta aurten ere Loiola got talent txapelketa egingo dutela iragarri dute.
Abuztuaren 1ean egingo dute streaming bidez, eta gotalent2020@gmail.com posta elektronikora idatzita eman behar da izena. Bestalde, parte hartzeko bi modu daude: auzoko kultur etxetik –parte hartzaileak egon ahal izango dira soilik, neurri guztiak zorrotz beteta– edo aurretik aipatu posta elektronikora bideo bat bidalita. Parte hartzaileek euren gaitasunak erakutsi beharko dituzte, eta epaimahaiak aukeratuko du 2020ko irabazlea.
