2021eko irailaren 25ean izango da La Polla Records taldearen azken kontzertua
La Polla Records taldearen azken kontzertuaren kartela. La Polla Records taldearen azken kontzertua 2021era atzeratu dute, osasun-larrialdia dela eta. Irailaren 25ean izango da Zubietako Hipodromoan, eta izen handiko talde eta abeslariek lagunduta sei orduko kontzertua eskainiko dute.
Aurtengo irailaren 26an izan behar zuen kontzertuak, baina pandemiak ezinezkoa egin du Aguraingo taldeak bertan eszenatokiei agur esatea. Sarrerak erosita zituztenei gorde egingo zaizkie datorren urteko kontzerturako.
Su Ta Gar, Liher, Lendakaris Muertos eta El Drogasek lagunduta, sei orduko kontzertua eskainiko dute; sarrerak lasttour.net webgunean erosi daitezke.
