Antigua Pilota Txapelketako finalak Internet bidez emango dituzte
Bihar 11:00etatik aurrera jokatuko dira 72. Antiguako Pilota Txapelketako finalak, Antiguako frontoian. Eguraldi txarra dago iragarrita eta COVID-19aren ondorioz antolatzaileek ezin dituzte sarrerak salgai jarri. Horrela ere, finalak Antiguako Pilotazaleak taldearen Youtube kanalean jarraitu ahal izango dira.
Hiru dira jokatuko diren finalak. Emakumezkoen kategorian, Olatz Arrizabalaga eta Miren Larrarte aurrez aurre ariko dira. Promesen kategorian, berriz, Olaetxea eta Lizeagak Fernandez eta Apezetxearen aurka jokatuko dute. Azkenik, gizonezkoen kategorian, Elola eta Sarasa Espinal eta Gascue bikotearen kontra ariko dira.
Eguraldi iragarpenak hobera egingo balu, sarrera batzuk salgai jartzeko aukera egon daitekeela adierazi dute antolatzaileek. Bihar goizeko lehen orduan hartuko dute azken erabakia.
