Datorren astean egingo dute lehen Literatur Solasaldia Ikasbide Kultur Elkartean
Irailean zehar jarriko dute abian beste behin Literatur Solasaldiak egitasmoa hiriko hainbat kultur etxetan, eta Amara Berrin, irailaren 7an ekingo diete solasaldiei, Ikasbide Kultur Elkartean. 19:00etatik 20:30era bitartean Aingeru Epaltzaren Rock’n’roll eleberri beltzari buruz hitz egingo dute parte hartzaileek; saioaren dinamizatzailea izango da Edu Zabala, eta Berritsuk, Amara Berriko Euskara Batzordeak ere parte hartu du antolakuntzan.
Zabalaren gidaritzapean egingo dituzte ere Egiako solasaldiak: lehen saioan liburu eta idazle bera errepikatuko dituzte; irailaren 30ean, Egiako kultur etxean, ordu berean.
Antolatzaileek jakinarazi dutenez aurten “jauzi bat” egin ahal izan dute Amara Berriko solasaldietan, izan ere, Ikasbide elkarteko zuzendaritzari esker, ikasturtean zehar hiru hitzaldi izango dira han, hiru idazlerekin. Egian ere egingo dituzte hitzaldiak.
Halaber, gogoratu dute parte hartzaileen osasuna bermatzeko, nahitaezkoa izango dela pertsonen arteko distantzia mantentzea, eta maskara erabiltzea. Edukiera mugatuta egongo da, eta gehienez, 25 kide sartu ahalko dira saiora.
Antolatzaileek azaldu dute 2018tik hainbat parte hartzaile finkok parte hartzen dutela taldeetan, baina gogoratu dute parte hartzea guztiz irekia dela; literatur zaleak solasaldietan parte hartzera gonbidatu dituzte.
Honakoak izango dira ikasturteko irakurgaiak Egian eta Amara Berrin:
IRAILA
Rock’n’roll (Aingeru Epaltza) eta Kristalezko begi bat (Miren Agur Meabe)
- Amara Berrin: Irailaren 7an, 19:00etan.
- Egian: Irailaren 30ean, 19:00etan.
URRIA
Miñan (Amets Arzallus)
- Amara Berrin: Urriaren 5ean.
- Egian: Urriaren 28an.
AZAROA
Aitaren etxea (Karmele Jaio)
- Amara Berrin: Azaroaren 2an.
- Egian: Aazaroaren 25ean.
ABENDUA
Analfabetoa (Iñigo Astiz) eta Tractatus (Jule Goikoetxea)
- Amara Berrin: Abenduaren 7an.
- Egian: Abenduaren 16an.
URTARRILA
Bioklik (Asel Luzarraga)
- Amara Berrin: Urtarrilaren 11n.
- Egian: Urtarrilaren 27an.
OTSAILA
Uda batez Kurdistanen (Zekine Turkeri)
- Amara Berrin: Otsailaren 1ean.
- Egian: Otsailaren 24an.
MARTXOA
Hollywood eta biok (Javi Cillero)
- Amara Berrin: Martxoaren 1ean.
- Egian: Martxoaren 4an.
APIRILA
Gasteizko hondartzak (Xabier Montoia) eta Txipiroiak bere beltzean (Rafa Egiguren)
- Amara Berrin: Apirilaren 12an.
- Egian: Apirilaren 28an.
MAIATZA
Xabier Lete, aberriaren poeta kantaria (Alex Gurrutxaga)
- Amara Berrin: Maiatzaren 3an.
- Egian: Maiatzaren 26an.
EKAINA
Beste eguzkia (Itziar Madina)
- Amara Berrin: Ekainaren 7an.
- Egian: Ekainaren 28an (ziurtatu gabe).
