Txomiñeneko sarrerako biribilgunean Txomin Etxea eraikin zaharreko arkuak jartzen ari dira
Txomiñeneko sarrerako biribilgunean Txomin Etxea eraikin zaharreko arkuak jartzeko lanak egiten ari dira egunotan. (Argazkia: Inaxio Esnaola) 
Txomiñeneko sarrerako biribilgunean mugimendua dago azken egunotan, eskultura arkitektoniko bat jartzen ari baitira. Zehazki, Txomin Etxea eraikin zaharreko arkuak, euren zutabeak eta guzti, jartzen ari dira.
Hain justu, auzoko etxebizitza berriak egiten ari ziren bitartean, 2018ko abenduan, auzo elkarteak udalari eskatu zion Txomin Etxea eraikineko arkuak eta armarria ez botatzeko, eta Txomiñeneko sarrerako biribilgunean jartzeko asmoa adierazi zioten. Sare sozialetan zeresana eman du arkuak biribilgunearen erdian dagoen etxolaren inguruan jartzeak. Auzokoak, etxola hori jarriko zutelaren berri ez bazuten ere, lanak bukatzeko zain daude, proiektua baloratzeko.
