lllunbeko zezen plaza erabilera anitzeko eraikin bihurtzeko hainbat egokitzapen egin dituzte
Illunbeko lanen emaitza. (Argazkia: Donostiako Udala) Illunbe egokitzeko lanak aurrera doaz. Donostiako Udalak iragarri duenez, dagoeneko hondarra zegoen tokia asfaltatu dute, eta kailejoiko hesia erraz jarri eta kendu daitekeen batengatik ordezkatu dute. Horretarako, 254.325 euro inbertitu ditu udalak.
Plaza asfaltatzeko, material porotsua erabili dutela azaldu du Martin Ibabe Kiroletako zinegotziak. Material horretatik ura iragazi daiteke, eta horri esker kupula ireki ahal izango da, nahiz eta euria egin. Gainera, lurra askotariko kirol emanalditara egokitu ahal izango da, horretarako beharrezkoak diren arauzko pistak jarriz. Hain zuzen ere, saskibaloi profesional partidak hartuko ditu aurki egokitutako pistak. Era berean, zezen plazako hondarra etorkizuneko zezenketetarako gorde dutela jakinarazi dute.
Kailejoiei dagokienez, jarritako hesi berriei esker, pista bera handitu edo txikitu ahalko da, beharren arabera.
Udalak oraindik ez du zehaztu zein izango den Illunbe egokitzeko hurrengo pauso, baina hainbat aukera aztertzen ari dira, hala nola argiztapena eraginkorragoa egitekoa edo energia berriztagarrien erabilera bultzatzekoa.
