Raitx taldeak kontzertua egingo du Marruma Kulturalak egitasmoan, igandean
Raitxeko kideak, EITBko 29. Maketa Leihaketako saria jasotzen. (Argazkia: Bizkaie!) Rakel Arenazak, Esti Berazak eta Xalba Ramirezek osatzen dute Raitx proiektua, eta igandean, hilaren 27an, kontzertua eskainiko dute Marruma Kulturalak egitasmoan. Raitxek Abereek erantzungo balute disko berria aurkeztuko du, eta kontzertu akustikoaz gain, elkarrizketa egingo diete musikariei. 19:00etan hasiko da musika emanaldia, Groseko Marruma elkartean, eta gonbidapenak 18:00etan banatuko dituzte han bertan.
“Hilabeteak genbiltzan bere atzetik, Marrumara noiz ekarriko zain, eta azkenean hemen izango dugu Raitx!”, adierazi dute Marruma Kulturaletako antolatzaileek sare sozialetan. Halaber, Covid-19a dela eta, ezarritako neurriak jarraitzeko eskatu dute.
