(Argazkia: Hontza liburu denda) Ostegun goizetako irakurketa erraza taldea beteta dagoela jakinarazi du Bagera Elkarteak. Egitasmoa Irakurketa Erraza taldeak bultzatu ohi du, eta Bagera Elkarteak eta Koldo Mitxelena kulturunea laguntzen dute.
Euskara ikasten ari den jendearentzat antolatutako taldea da, baita euskaraz irakurtzeko ohiturarik ez dutenentzat ere. Ostegunero bilduko da, ordubetez, 10:00etatik 11:00etara, Koldo Mitxelena liburutegian. Lehen bilera ostegun honetan, hilaren 22an, izango da, eta Núria Martí Constansen Zeru beraren azpian eta Jordi Sierra i Fabraren Kafka eta panpina bidaiazalea lanak hautatu dituzte horretarako.
15 urtez, Donostia bere hartan erakutsi du IRUTXULOKO HITZAk. Argi dugu kalitatezko eta gertuko edukia eskaintzen jarraitzea dela gure ardura oraingo egoera zail honetan ere. Horregatik, etxetik bada ere, donostiarrontzat etengabe lanean jarraitzen dugu!
Baina bide honetan segitzeko, ezinbestekoa da zure konpromisoa, zuek ere HITZA hartzea.
