Osasungintza publikoaren aldeko elkarretaratzeak egingo dituzte Donostian
Osasungintza publikoaren aldeko elkarretaratzea egin zuten joan den astean Egiako anbulatorioan. (Argazkia: Beñat Parra) 
Azken asteotan osasungintza publikoa defendatzeko elkarretaratzeak egin dituzte Donostiako hainbat auzotan, eta gauza bera egingo dute asteazkenean, hilaren 11n. Hain justu, 18:00etan egingo dute protesta Altzako eta Amara Berriko anbulatorioen aurrean, eta 19:00etan Parte Zaharreko eta Egiako osasun zentroen aurrean. Hiru izango dira aldarrikapen nagusiak: baliabide gehiago jartzeko lehen arretarako, gutxienez BPG-aren %7 osasungintzan inbertitzeko eta murrizketa eta pribatizaziorik ez egiteko. Printzipioz, halako mobilizazioen azken asteazkena izango da.
