Hirugarren urtea du aurtengoa Egiako irakurraldiak. (Argazkia: Hitza) Ostegunean, abenduaren 3an, Irakurraldia antolatu dute Egia auzoan, Euskararen Nazioarteko Eguna dela eta. Hirugarren urtez egingo dute, eta poemak, bertsoak eta abestiak irakurriko dituzte, parte hartzaile bakoitzak bat. 18:00etan hasi eta 19:30ean amaituko da, eta Egia kultur etxean izango da.
Poemak errepikatu ez daitezen, zerrenda bat osatu dute. Momentuz, hautatu dituzten lanak dira: Ibon Muñoak idatzitako poema bat; Amaren heriotzak libreago egin ninduen, Mari Luz Estebanena; Ilunabarra, Nemesio Etxanizena; Filosofatzen, Joan Mari Irigoienena; eta Kezkatzen bainau, Bitoriano Gandiagarena. Poemak topatzen laguntzeko, Euskal Poesiaren Atarira jo daiteke.
15 urtez, Donostia bere hartan erakutsi du IRUTXULOKO HITZAk. Argi dugu kalitatezko eta gertuko edukia eskaintzen jarraitzea dela gure ardura oraingo egoera zail honetan ere. Horregatik, etxetik bada ere, donostiarrontzat etengabe lanean jarraitzen dugu!
Baina bide honetan segitzeko, ezinbestekoa da zure konpromisoa, zuek ere HITZA hartzea.
