Norteko geltokiko Dbuseko geltokia tokiz aldatuko dute obrengatik
Norteko geltokia, eta aurreko Dbus geltokia, itxita, lanengatik. (Argazkia: Mikel Elkoroberezibar) 
Norteko geltokiko lanak direla eta, Dbusek aldaketa bat iragarri du. Hain zuzen, gaurtik aurrera, tren geltoki aurrean dagoen autobus geltokia tokiz aldatuko dute, Frantziako pasealekuko 12. zenbakira. Beraz, 17 —Gros-Amara-Miramon—, 24 —Altza-Gros-Antiguo-Intxaurrondo—, 37 —Rodil-Zorroaga— eta 45 —Renfe-Bus Geltokiak-Antiguo-Aiete— lineek geltoki berria izango dute. Lehenengo hiruak geltokiaren erdialdean geratuko dira; 45a, berriz, aurreko aldean. Ez dute azaldu noiz arte iraungo duen aldaketa honek.
