Abenduko txoroskopoa
Sagitarius
Azaroaren 22tik abenduaren 21era.
Euskararen eguna jai zoriontsu bat bezala hartzen baduzu ere, urtean zehar ahobizi izatetik besteak aho bete hortz uztera pasatzen zara, hainbeste espainol erabilita. Aldatu zure jarrera, oldartu eta ekin borrokari, badugu ahalduntzeko garaia eta #borrokanjarraitu #euskaraedoezgara
Aquarius
Urtarrilaren 20tik otsailaren 18ra.
Eguzki orduak gutxi dira abenduan, taberna orduak baino gutxiago izaten dira normalean. Prest al zaude terrazeorako? Mantarekin ala gabe, tabernariak zure zain daude! #SOStalaritza
Piscis
Otsailaren 19tik martxoaren 20ra.
Olentzerori idatziko diozu presoak etxera ekar ditzan, urteko azken ostiraleko mobilizaziora ere joango zara. Esperantzarik? Esperantza da azkena galtzen. #DenakEtxera
Aries
Martxoaren 21etik apirilaren 19ra.
Olentzero ikazkina izan al da beti? Olentzeroren heteronorma osatzea beharrezkoa da? Maridomingi laguntzaile? Zergatik domingi? Olentzero feminista izan daiteke? eta queer? ez al da ba? #MaridomingiSutara
Taurus
Apirilaren 20tik maiatzaren 20ra.
Kontzertuak, afariak, elkarteak, antzerkiak, Aiako harriak, Txindoki, parrandak, tonteoak… dena botatzen duzu faltan. Den-dena… ere ez: noriarik gabe askoz hobe! #ErnestoGasto
Gemini
Maiatzaren 21etik ekainaren 22ra.
Purpulentzero da bide bakarra. Musika topera jarri eta mugitu gerri hori! Polboroiak ere hemen gaude, zure sabela bete arte! #NegukoSolstizioa #GoraGoraGoraGureGona
Cancer
Ekainaren 22etik uztailaren 22ra.
Ez dira betiko garai onenak. Berrogeialdiak bata bestearen atzean egiten ari zara. Nola da posible? Eta oraindik ez duzu gaixotasuna pasa? Ez al zen bada izango iazko San Sebastianetako ajea Covid? #BatekDaki
Leo
Uztailaren 23tik abuztuaren 22ra.
Irlan dagoen eskultura zertarako den ez dakizu. Metroa zertarako den ez dakizu. Erraustegia zertarako den ez dakizu. San Martin merkatua Super Amararen eraikin berdinean zergatik dagoen ez dakizu… Udaleko haustekundeak zertarako diren ba al dakizu? #MundutarraNi
Virgo
Abuztuaren 23tik irailaren 22ra.
Ilargibetea den bakoitzean joaten zara ohera noiz lokartuko zain. Otsoa agertuko ote den ametsetan edo zeu izango zaren. Desioak bete plazer ala plazer bete desio? #DenaDaPosibleIlargiBetetan
Libra
Irailaren 23tik urriaren 22ra.
Bizitzaren aparretan ibiltzea gustatzen zaizu…arrakastak egiten zaitu, triunfadore bat zara, baina olatua noizbait hondarrarazten da eta aterrizajea gogorra izaten da, beraz, adi eta prest egon! #bigarrenolatua #surfinkaos
Escorpius
Urriaren 23tik azaroaren 21era.
Egiten duzuna benetan egiten al duzu, zuretzako, edo besteei begira zabiltza? Eszena bada beste norbaitentzat ordea…bizi duzuna pelikula bat bezela ikusten duzu, baina bada garaia ikusle izatetik protagonista izan eta erabakiak zuregan hartzeko #starringizan
Zapaburius
Otsailaren 29tik 31ra.
Zeure baitatik irten nahian zabiltza, zapaburius maitea, beti bezain tinko eutsi diozu aldarteari, eredugarri. Jarraitu plisti plasta bizitzak jarritako putzuetan, busti, gozatu eta gozarazi, plazer txikietan igeri. #putzusakonetailunbateanablai
Capricornius
Abenduaren 22tik urtarrilaren 19ra.
Gabonetan familia osoa elkartzeko zailtasunak izanagatik, begiratu alde onari! ez duzu zure osaba konstante eta garraxikor hori jasan beharko. Elkartu lagun gutxi batzuekin eta goxotasunean kantatu izurriteari, oasi txikiak izaten baitira desertu amaigabean ere #oasiakbilatu #kantatupalmerapean
