Argazki zaharrak manipulatuz postalak egiteko ikastaroa egingo dute Egian
Asteazkenak komandoak eta Egiako Teila Fabrikak antolatuta, ikastaro bat egingo dute Teila Fabrikan, Gordegiaren argazki zaharrak postal bihurtzen ikasteko. Irudi zaharrak nola manipulatu azalduko dute Maddi Zumalabe eta Jon Aranguren hizlariek. Ikastaroa bi egunetan egingo dute: hilaren 10ean eta hilaren 17an, 17:30etik 20:30era. Parte hartu ahal izateko, izena eman behar da, Teila Fabrikaren webgunean.
