Pasealeku Berria itxiko dute, olatuak direla eta
Olatu handiak, Pasealeku Berrian. Babes Zibilak jakinarazi duenez, gaurko 12:00tik aurrera abisu horia indarrean sartuko da, olatuak direla eta. Ondorioz, Pasealeku Berria ibilgailuentzako itxita egongo da 12:00tatik 18:00tara. 18:00etatik aurrera, berriz, pasealekua itxita egongo da ibilgailuentzat zein oinezkoentzat. Era berean, Haizearen Orrazia eta Leizaola pasealekua itxi egingo dituzte.
Horrez gain, biharko, hilaren 8ko, egun osoan zehar ere, itxita mantenduko dituzte Haizearen Orrazia, Leizaola pasealekua eta Pasealeku Berria.
