Realak urtea ondo hasi nahi du, Anoetan derbia irabazita
Realaren eta Athleticen arteko derbia, Anoetan, 2019an. (Argazkia: Reala) 
Realak urteko neurketa garrantzitsuenetako bat jokatuko du igandean Anoetan, Athletic jasoko baitu etxean. Urteko lehenengo partida izango da bi taldeentzat, eta Natalia Arroyoren neskek Anoetaren babesa izango du. Ligako bigarren postuan daude txuri-urdinak, eta postua indartzeko helburuarekin aterako dira zelaira, distantzia handia baitute Bartzelonarekin (lehenengo sailkatua, hamaika puntura) eta Atletico Madril (hirugarrena, sei puntura). Neurketa 12:00etan izango da.
Mutilek ere Anoetan jokatuko dute, baina larunbatean izango da euren partida: Celtaren aurka jokatuko dute, 16:15ean. Ligako bolada txarrarekin bukatu nahi dute txuri-urdinek, sailkapenean gora egiteko helburuarekin, Europako postuetan jarraitzeko.
Izotz hockeyan, Txuri Urdinek etxean jokatuko du Puigcerdaren aurka, larunbatean, 13:30ean. Ez da neurketa erraza izango, Puigcerda ligako lehenengo sailkatua baita, eta Txuri Urdin laugarrena. Hala ere, sailkapenean gora egiteko helburuarekin aterako dira zelaira donostiarrak.
Ibaeta Basket igandean zen etxean Valentziaren aurka jokatzekoa, baina talde valentziarrean koronabirus positibo ugari daude, eta neurketa atzeratu behar izan dute.
PARTIDAK:
Futbola
Emakumezkoen lehen maila, 16. jardunaldia
Reala – Athletic (igandea, 12:00)
Gizonezkoen lehen maila, 20. jardunaldia
Reala – Celta (larunbata, 16:15)
Izotz Hockeya
Gizonezkoen lehen maila, 15. jardunaldia
Puigcerda – Txuri Urdin (larunbata, 13:30)
