Esther Ferrer ez da Urrezko Danborra jasotzera etorriko
Esther Ferrer artista, 2010ean. (Argazkia: Nerea Lizarralde) 
Esther Ferrer artista donostiarrak (1937) jasoko du aurtengo Urrezko Danborra, baina ez da Donostiara etorriko, “osasun egoera dela eta”. 84 urteko artista Parisen (Frantzia) errotuta dago, eta Donostiako Udalak jakinarazi duenez, medikuek gomendatu diote ez etortzeko.
Ferrerrek bere “atsekabea” adierazi dio Eneko Goia alkateari, saria aurrez aurre jaso ezin izateagatik. Era berean, eskertuta agertu da udalbatzarekin, bozeramaileen batzordeak aho batez aukeratu baitzuen bera saria jasotzeko. Orain, alkatea hainbat aukera aztertzen ari da Urrezko Danborra Ferrerri helarazteko.
