La Sirena aterpetxea bart itxita egon dela salatu dute
Antiguako La Sirena aterpetxea.Inaxio Esnaola 
Hiritarron Harrera Sareak salatu duenez, Ondarretako La Sirena aterpetxea bart itxi egin dute, berriz ere. “Zeinek baieztatu dezake, gorritu gabe, ez duela nahikoa hotz egiten teilatu bat eskaintzeko halakorik ez dutenentzat?”, kritikatu du Harrera Sareak. “Ez dugu populistak izan nahi, baina baieztapen hori teilatua eta beroa ziurtatuta daukan norbaitengandik dator”, gaineratu dute.
Era berean, berriz ere eskatu dute La Sirena neguko “egun guztietan” irekita mantentzeko, “gizatasunagatik”: “Ez dugu erakundeen logika hau onartuko. Pertsonak dira. Muturreko zaurgarritasun egoeran daude. Minimo bat behar dute aurrera egiteko”.
