Hiritarron Harrera Sareak etxegabeentzako neguko arropa, mantak eta lo zakuak behar ditu
(Argazkia: Joseba Parron San Sebastian) 
Negua izaten da etxerik gabeko pertsonentzako urteko garairik gogorrenetakoa, eta, horregatik, Hiritarron Harrera Sareak herritarren laguntza eskatu du. Hain zuzen ere, mantak, lo zakuak eta gizonezkoentzako eskularruak, bufandak, txanoak eta zapatak (40, 41, 42 eta 43 neurrietakoak) behar dituzte, egoera zaurgarrian dauden pertsonek neguari, hotzari eta euriari aurre egin ahal izateko.
Materiala dohaintzan eman nahi izanez gero, redacogidaciudadana@gmail.com helbide elektronikora idatzi daiteke, baita 662-54 09 67 edo 607-79 66 14 telefono zenbakietara deitu edo idatzi ere.
