Sute bat gertatu da Zarautz kalean
Zarautz kaleko 90. zenbakian gertatu da sutea. 
Bart gaueko ordubatak aldera, sute bat piztu da Antiguan, Zarautz kaleko 90. zenbakian. Udalak jakinarazi duenez, ikasleen pisu bateko sukaldeak su hartu du, eta oraindik gertatutakoa ikertzen ari badira ere, uste dute ke erauzgailuan piztu dela sua.
Sutearen ondorioz, hiru emakume ospitalera eraman behar izan dituzte, kea arnastu izanagatik. Era berean, hiru emakumeei ostatu eman behar izan diete, etxea “nahiko kaltetuta” gelditu delako.
