Ametzagaina parkea garbituko dute larunbatean
Ametzagaina parkea. (Argazkia: Donostiako Udala) 
Zero Plastik egitasmoaren barruan, Ametzagaina parkea garbituko dute larunbatean, udaleko Ingurumen sailak eta Loiolako ECO Limpieza Ciudadana taldeak antolatuta. Garbiketa saioa 11:00etatik 13:00etara egingo dute, Uba aterpetxetik abiatuta, eta edonor joan daiteke parte hartzera.
Ingurumen sailak antzeko hainbat jarduera antolatu ditu azken hilabeteotan, Zero Plastik egitasmoaren barruan. Esaterako, uztailean Zurriola hondartza garbitu zuten, eta Urumea ibaian hainbat garbiketa saio egin dituzte.
