Ametzagainan uralita agertu dela salatu du Eguzkik
Uralita eta bestelako hondakinak, Ametzagaina parkean. (Argazkia: Eguzki) 
Eguzki Erakunde Ekologista haserre agertu da Ametzagaina parkean agertu den zabortegiarekin, hondakin arriskutsuak agertu baitira, tartean uralita. “Etengabe Ametzagaina ‘azaleratzen’ diren beirazko botilei, latei, mota guztietako plastikoei eta bestelakoei, obra hondakinen eta uralita arriskutsuaren zabortegi hau gehitu zaie”, salatu dute ekologistek. Era berean, udalak halako gertakariak “baimentzen” dituela kritikatu dute.
Hain zuzen ere, ECO Limpieza Ciudadana taldeak, udaleko Ingurumen sailarekin elkarlanean, garbiketa saio bat antolatu du larunbaterako Ametzagaina parkean, eta edonor joan daiteke parte hartzera. Dirudienez, lana izango dute.
