Bein LaMar Gayk Jazzaldian joko du, Kurt Ellingen ordez
Bein LaMar Gay jazz musikaria. 
Kurt Elling musikariak uztailean Europatik egin behar zuen biraren azken zatia bertan behera utzi du, eta beraz, azkenean ez da Jazzaldian izango. Bere ordez, Jazzaldiak iragarri du Ben LaMar Gay instrumentu ugari menderatzen dituen jazz musikaria etorriko dela. “Gaztea izan arren, Chicagoko A.A.C.M. elkarte mitikoko kide da, eta definizio orori ihes egiten dion bere estiloak eta bere originaltasunak jazz amerikar berriaren ordezkari interesgarrienen artean kokatu dute; eskari gehien jasotzen dituztenen artean dago, izan ere”, nabarmendu du Jazzaldiak.
Uztailaren 24an joko du Trinitate plazan, Amina Claudine Myers abeslari eta pianistaren eta bere talde Generation 4ren ondoren. Sarrerak salgai daude dagoeneko, 35 euroan; Jazzaldiaren webgunean eros daitezke.
