Txuri Urdin ligako finalean izango da
Txuri Urdineko jokalari bat, Quimeras Valdemororen aurkako partidan. (Argazkia: Txuri Urdin) 
Txuri Urdineko neskek larunbatean jokatu zuten Quimeras Valdemororen aurkako finalerdietako bigarren neurketa, eta aise gailendu ziren, 6-0 irabazi baitzuten. Horrela, joan den astean lehenengoa ere irabazi zutenez (2-4), ligako finalerako sailkatu dira donostiarrak.
Majadahondarekin neurtu beharko dira finalean, iaz gertatu zen moduan. Hilaren 12an Donostian jokatuko dute lehenengo neurketa, eta 19an bigarrena, madrildarren etxean. Hirugarren bat jokatu beharko balitz, hurrengo egunean jokatuko lukete, Majadahondan bertan.
