Toldoen zozketa hilaren 18an egingo du udalak
Kontxako hondartzako toldoak. (Argazkia: Estitxu Zabala) 
Astebete barru, hilaren 18an, Donostiako udalak 2022ko hondartza denboraldiari begirako 1.400 toldo eta karpak zozkatuko ditu. Udaletxeko osoko bilkuren aretoan izango da zozketa, 10:00etan. Aldiz, bihar bukatuko da erreklamazioak aurkezteko epea, eta datorren asteartean behin betiko eskatzaile bakoitzari zenbaki bat adjudikatuko diote 18ko zozketarako.
Zozketarako, zenbaki bat aterako da ausaz, eta toldoen adjudikaziodunak zehaztuko ditu. Beste zenbaki bat aterako dute mugikortasun urriko pertsonentzat gordeta dauden toldoentzat. Zozketara joan ahal izango da, eta Ijentea kaletik sartu beharko dute udaletxera.
Adjudikaziodunen zerrenda publikoa izango da hilaren 18an, udalaren webgunean eta eskatzaile bakoitzari adjudikatutako erabiltzailearen profilean. Hiru egun geroago, apirilaren 29ra arte, adjudikaziodunek toldoa aukeratu ahal izango dute hondartza barruan, udalaren webgunearen bidez.
