Gasteizen atxilotutako 34 ikasleen artean bost donostiar daude
Hego Euskal Herriko lau hiriburuetan antolatu ditu mobilizazioak Ikasle Abertzaleakek, denera milaka lagun batuz. Salatu dutenez, Gasteizko fakultatean istiluak egon dira, eta Ertzaintza campusera sartu eta 34 ikasle atxilotu dituzte. Horietako bost donostiarrak direla jakin du IRUTXULOKO HITZAk.
Donostiako Ikasle Abertzaleakek jazarpen poliziala salatu eta EHU egin du atxiloketa hauen errudun “campusean indar polizialak sartzen uzteagatik”. Elkarretaratzea deitu dute gaur arratsaldean 19:30ean Bulebarrean.
