Jai Alain su hartu zuen etxea botatzen hasi dira, etxe berriak eraikitzeko
Euskal Kabiya etxea botatzeko lanak hasi dituzte. (Argazkia: Beñat Parra) 
Joan den astean Jai Alain su hartu zuen Euskal Kabiya etxea botatzen hasi dira, bertan etxebizitza berriak egiteko. Euskal Kabiya etxea Egiako galtzadaren 55. zenbakian zegoen eta euskal estiloko arkitektura zuen eraikin historikoa zen. Etxearen jabe den higiezinen taldea ari da eraikina eraisten, eta egun hauetan hondeamakina bat ikus daiteke lanean toki horretan. Operazio hori sutearen aurretik aurreikusita zegoen, eta orain tramitazioa azkartu dute, segurtasun-arazoengatik. Donostiako Udaleko iturriek adierazi dutenez, etxearen jabeek etxebizitzak eraikitzeko baimena dute.
