Denda batean lapurtzen ari zen pertsona bat atxilotu dute
Ertzaintzaren polizia operazio bateko irudia. (Argazkia: Zigor Garro) 
Ertzaintzak 25 urteko gizon bat atxilotu du gaur goizaldean Donostiako erdigunean, establezimendu batean indarrez lapurtzea egotzita. Gertakariak 06:00ak aldera hasi dira, Donostiako erdiguneko merkataritza lokal bateko lapurreta-alarma piztu denean. Hainbat ertzain bertaratu dira, eta dendako ateak indar-zantzuak zituela egiaztatu dute. Agenteak establezimenduaren barrura sartu dira, eta lapurretaren egilea hainbat jantziren atzean ezkutatzen saiatzen ari zela ikusi dute.
Gazteak aurrekariak ditu horrelako gertaerengatik, eta indarra erabiliz lapurreta egitea egotzita atxilotu dute. Jarraian, ertzain-etxera eraman dute dagozkion eginbideak hasteko, eta, horiek amaitutakoan, Donostiako Guardiako Epaitegiaren esku uztea aurreikusten da.
