Zinema areto berri bat ireki dute Garberan
Cinesa enpresarena da, eta "luxuzko zinema aretoa" dela esan dute. Besaulki etzangarri eta zabalak ditu, eta irudi eta soinu kalitatea bermatuko duten teknologia berrienak erabili dituzte.
Garbera merkataritza zentro berrituan zinema areto berri bat inauguratu zuten atzo. Zinema bizitzeko beste modu bat. Etzan eta erlaxatu lelopean iragarri zuen Cinesa enpresak zinema areto honen irekiera, eta atzo estreinatu zuten lehen ikusleek. Zazpi areto ditu, eta besaulki etzangarri eta zabalak dituzte. 800 ikusle har ditzake zinema berriak.
Luxuzko zerbitzua eskaintzea du xede, eta erosotasuna eta teknologia ditu oinarri. Gainera, jateko eskaintza zabala dago aretoetan, eta ohiko krispetez gain, ogitartekoak, entsaladak, pintxoak eta edari alkoholdunak, besteak beste.
