Udalekuak egingo dituzte Eureka! Zientzia Museoan, Aste Santuan
Miramongo Eureka! Zientzia Museoa. 
Astronomia, zientzia eta teknologia jarduerez gozatzeko aukera izango dute etxeko txikienek Aste Santuan Eureka! Zientzia Museoan egingo dituzten udalekuetan. Jardueren ordutegia 9:00etatik 13:00etara izango da, eta jangela zerbitzua 15:00ak arte egongo da eskuragarri. Honakoak dira museoaren proposamenak:
Zientzia Txokoan 4 eta 10 urte bitarteko zientzialariek esperimentuan egin ahal izango dituzte, museoko txoko guztiak bisitatu eta zientziarekin jolastu, besteak beste.
Udaleku teknologikoetan 8 eta 14 urte bitarteko haur eta nerabeek bideo-jokoak sortu eta garatzeaz gain, Droiak ere diseinatu eta programatuko dituzte.
Eta udaleku astronautikoa edo Mision X, NASA, ESA eta UK Space Agencyk garatutako hezkuntza programa da. Horren bidez, 8 eta 12 urte bitarteko haurrek Lurra planeta hobeto ezagutuko dute, eta historian zehar egon diren kosmo ikuskerak eta gaur egungo ezagupenak landuko dituzte.
