Ekohondartzak banderak eman dizkiete Donostiako hiru hondartzei
Ondarreta hondartza Igeldoko jolas parketik ikusita. (Argazkia: Joseba Parron San Sebastian) 
XV. Ekohondartzak Banderak sariak banatu dituzte Casteldefelsen (Herrialde Katalanak), eta Donostiako hiru hondartzak, Kontxa, Ondarreta eta Zurriola, sarituak izan dira. Hondartzen kalitatea neurtzen dute sariek, eta hondartza donostiarrek aurretik zituzten beste kalitate ziurtagiri batzuetara gehitu dira orain Ekohondartzak banderak.
Udalak azaldu duenez, epaimahaiak aitorpen berezia egin du pandemia garaian udalek euren hondartzak leku seguruak izatea bermatzeari. Miguel Angel Diez, hondartzetako ardura duen zinegotzia, pozik agertu da sariekin: “Gure hondartzekin ados egon gaitezke, baina zainketan, garbiketan eta ingurumen kudeaketan arreta galdu gabe”.
