Alfonso Feijoo donostiarrak, Espainiako federazioko presidenteak, dimisioa eman du
Alfonso Feijoo donostiarra. 
Ez da giro Espainia aldeko errugbian. Munduko Txapelketerako sailkatu bazen ere gizonezkoen selekzioa, Nazioarteko Federazioak kaleratu egin du, Hegoafrikako jokalari bat erabiltzeagatik espainiar bezala, horrela ez denean. Gavin van den Berg da jokalari hori, eta Alcobendasen jokatzen du. Nola ligan ari den, ondorioak izan ditzake lehiaketan. Eta bertan ari diren Euskal Herriko taldeei eragin diezaioke erabaki sortak, Ordiziari eta Gernikari. Momentuz, gauza bakarra da ziurra: Alfonso Feijoo Espainiako federazioko presidenteak dimisioa iragarri du. Donostiarrak esan du auzia amaitzean utziko duela kargua. Dena dela, helegitea iragarri du Nazioarteko Federazioaren epaiaren aurka.
Jarraitu albistea irakurtzen Berria egunkariaren webgunean.
