Gaur hasiko dira Bidebietako Txanpontxo jaiak
Txanpontxo, Bidebietan, haur, buruhandi eta erraldoiez inguratuta. (Argazkia: Estitxu Zabala) 
Bi urtez ospatu ezinda egon ostean, gaur itzuliko dira Txanpontxo jaiak Bidebietara. 17:30ean Guardaplata bidetik Txanpontxoren jaitsiera egingo da, erraldoiekin eta buruhandiekin. Jaiei hasiera eman ostean, 18:30ean, haurrentzako jolasak antolatu dituzte, eta haurtxokoa sortu zuen Loren Iturriza ere omenduko dute, lehengo urtean zendu baitzen istripu baten ondorioz. 20:00etan Txanpontxoren pregoi irakurketa egingo da, eta txupinazoa eta kuadrillen jaitsiera izango da jarraian, elektrobuiaka elektrotxarangarekin, 10. bloketik abiatuta. Eguna amaitzeko, 23:00etan, saltseroen afaria izango da Bidebieta elkartean.
Astelehenera arte egitarau zabala prestatu du jai batzordeak, eta esteka honetan ikus dezakezue programa osoa.
