Euriak kalteak eta uholdeak sortu ditu hirian
Jai Alai inguruko zonan uholdeak sortu ziren. 
Eguzkitsu eta berotsu argitu zuen igandeak Donostian, eta hala jarraitu zuen goizean eta eguerdian, baina arratsaldean lainoak agertzen hasi ziren, eta azkar heldu zen ekaitza. Sekulako euri zaparradak bota zituen, kazkabarra eta guzti, denbora gutxian. Horrela, hiriko estoldek gainezka egin zuten, eta putzu handiak, ur baltsak eta uholdeak sortu ziren Donostiako zenbait gunetan; zona aldapatsu batzuek ibaiak ziruditen.
Hain zuzen ere, udalak azaldu duenez, Udaltzaingoak eta suhiltzaileek 82 dei jaso zituzten ekaitza gogorren jotzen ari zenean, ur baltsengatik, garajeetan sortutako uholdeengatik eta etxebizitzetan ura sartzeagatik. Hala ere, ez zen kalte pertsonalik egon.
Egiako Ur Zaleak elkartea, urez gainezka.
Groseko Jai Alai inguruko zonan, esaterako, kalea ibai bihurtu zen, eta Larratxon ur jauziak sortu ziren. Jarraian, herritarrek grabatutako eta hedabide honek bildutako bideotako batzuk:
