Elkarretaratzeak egingo dituzte Peñaflorida institutuko ikasleen gurasoek, jardunaldi jarraitua mantentzeko eskatzeko
Peñaflorida institutua. 
Donostiako Peñaflorida institutuko hezkuntza-komunitatea (1.600 ikasle inguru eta haien familiak, zuzendaritza, irakasleak) bozkatzera deitu zuten, ea jardunaldi jarraitua izaten jarraitu nahi zuten edo ez erabakitzeko, eta %95 jardunaldi jarraitua mantentzearen alde agertu zen. Beraz, Gurasoen Elkarteak (IGE) borrokatzea erabaki du, eta ostiralero bilduko dira gaurtik aurrera Peñaflorida eraikinaren sarreran, 14:30ean, “jardunaldi jarraituaren onurak ezagututa, atzerapauso bat gerta ez dadin”.
Jardunaldi jarraitua pandemiaren ondorioz jarri zieten, eta pandemiaren une gogorrena amaitu ondoren, Hezkuntza Sailak jardunaldi zatitua berreskuratzeko agindua eman du.
