Ekainaren 4ean egingo dute Altzako XXII. Bertso Aroa
'Ez da kasualitatea' bertso saioa, Altzako XVIII. Bertso Aroan. Bertsozale Elkartea 
Altzako XXII. Bertso Aroa ekainaren 4ean egingo dute, Altzagainako plaza gorrian. 19:00etan hasiko da, eta Maialen Akizu, Igor Elortza, Haira Aizpurua eta Jexux Mari Irazu bertsolariek hartuko dute parte. Gai jartzailea, aldiz, Haritz Mujika izango da.
XII. Bertsopaper lehiaketako sari banaketa ere ekitaldi horretan egingo dute. Antolatzaileek jakinarazi dute eguraldiak lagunduko ez balu, Larrotxoko kultur etxean egingo dutela Altzako XXII. Bertso Aroa.
