Haurrentzako pintura tailerra antolatu du Donosti Berri elkarteak
Donosti Berriko bazkideak, elkartearen aurrean, mendeurreneko festan. (Argazkia: Joseba Parron San Sebastian) 
Haurrentzako pintura tailerra antolatu du Donosti Berri elkarteak larunbaterako. 17:00etan izango da, Amarako Easo plazan, eta behar den material guztia (kartulinak eta argizarizko margoak) antolatzaileek banatuko dute. Lanak antolatzaileek banatutako kartulinetan egingo dira, argizarizko margoak erabiliz. Margoak etxetik ekartzea ere posible da.
Parte hartzeko gehienezko kopurua 40 izango da, eta izen-emate ordena errespetatuko da kopuru hori osatu arte. Izen-ematea irekita dago, eta donostiberri100@gmail.com helbidera idatzita egin daiteke, ekainaren 3ra arte.
Horrez gain, ekainaren 6an, 19:00etan, Amarako margolariei buruz hitzaldia emango du Juan Antonio Garcia Marcos-ek Koldo Mitxelena kulturunean.
