Egiako Txondorra kultur elkarteak festa bat antolatu du hilaren 17rako
Txondorra guneko marrazkilarien topaketa bat. (Argazkia: Txondorra) 
Urtero egin ohi duten moduan, Egiako Txondorra kultur elkarteak ikasturtean zehar izandako ikastaroen erabiltzaileekin festa bat egingo du. Hilaren 17an izango da, 18:00etatik aurrera, eta askotariko egitaraua prestatu dute.
Amaia Galarzak gidaturiko gitarra eta ukelele ikasleen emanaldiarekin hasiko dira. Ondoren, Susana Minguenek eta Begi Galarzak Palabras dislocadas, Re minorren kontzertua eskainiko dute (18:45). Azkenik, Txorfeoiaren emanaldia egingo dute (19:00). Ondoren, mikroa irekiko dute eta jatekoa jarriko dute Txondorran. Buruhandien erakusketa ere egingo dute, prozedura zein den azalduz eta emaitzak aurkeztuz.
