Udako jaialdia egingo dute larunbatean Intxaurrondoko Letaman gaztetxean
Intxaurrondoko Letaman gaztetxea. (Argazkia: Beñat Parra) 
Malda asanbladak antolatuta, udako jaialdia egingo dute larunbatean Intxaurrondoko Letaman gaztetxean. Egun osoko egitaraua antolatu dute “formakuntza, eztabaida, aisialdia eta parte-hartzaileen arteko sozializazioa indartzeko”.
Bazkaria egingo dute 14:00etan, eta 17:00etan hitzaldiak eta diseinu erakusketa antolatu dituzte. Hitzaldi batean errepresioaren funtzioak eta horiei nola egin aurre azalduko dute, eta besteak, osasun mentala gizarte kapitalistan izango du hizpide. 20:00etan mojito dastaketaren txanda izango da, eta azkenik, 23:00etan, Dj malda eta mikrofono irekia izango dira giroa girotzen.
