Kresala Zineklubearen denboraldi osoko filmak ikusteko txartela eskuragarri
Kresala Laguna txartelak 2021etik erabiltzen ditu Kresala Zineklubak. (Argazkia: Beñat Parra) 
Kresala Zineklubak eskuragarri jarri ditu dagoeneko 2022-2023ko denboraldirako (2022ko irailetik 2023ko ekainera arte) Kresala Laguna txartelak, denboraldiko film guztiak ikusi ahal izateko. 2021-2022ko denboraldian jarri zituzten funtzionamenduan estreinakoz txartel horiek.
Txartelak soilik uztailean eskuratu ahalko dira, zineklubaren webgunearen bidez, 120 euroan; denboraldian 30 bat saio egin ohi dituzte, eta bakoitzak 6 euro balio ditu, beraz, merkeagoa da txartela eskuratzea saio bakoitzeko sarrera erostea baino. Zalantzaren bat izanez gero, zineklubarekin harremanetan jar zaitezkete, info@kresalazinekluba.com helbidera idatzita edo 722-33 03 48 telefono zenbakira deituta.
