Irailean hasiko dituzte Pasealeku Berriko mendi magala egonkortzeko lanak
Pasealeku Berriko mendi magalaren zati bat hesituta dago. (Argazkia: Irutxuloko Hitza) 
Apiriletik hormigoizko horma prefabrikatu bat dago Pasealeku Berriko zati batean. Donostiako Udalak neurri hori hartu zuen mendi magaletik harri puska batzuk bidera erori eta arrakalak agertu zirelako. Hori dela eta, udalak mendi magala bera egonkortzeko proiektua onartuko du premiazkotasunarekin lizitatzeko. 542.000 eurokoa izango da aurrekontua.
Egin beharreko lanei dagokienez, lehenik eremuko farolak erretiratuko dituzte, eta hormaren ondoko kanalizazio elektrikoa desbideratuko dute. Lan horiek bukatzean, mendi magaletik eroritako arroka zatiak kenduko dituzte, eta magaleko ezpondak konpondu zein indartuko dituzte. Behin jarduketa horiek bukatuta, mendi magala bere horretan egonkortuko dute. Horrekin batera, sare bat jarriko dute eror daitezkeen harri pusketak saihesteko.
