Urrezko Koparako sailkatze proba egingo dute aizkolariek larunbatean
Urrezko Kopako aizkolariak Trinitate plazan. (Argazkia: Irutxuloko Hitza) 
Datorren larunbatean, uztailak 16, 19:30ean 2022ko Urrezko Koparen sailkatze proba egingo da Donostiako Trinitate plazan. Bertan parte hartuko duten aizkolariak honakoak izango dira: Julen Alberdi (Gipuzkoa), Aitzol Atutxa (Bizkaia), Joxean Etxeberria (Nafarroa), Hodei Ezpeleta (Gipuzkoa), Oier Kañamares (Nafarroa), Mikel Larrañaga (Gipuzkoa), Julen Larrea (Bizkaia), Ugaitz Mugerza (Gipuzkoa), Eneko Otaño (Gipuzkoa), Jon Rekondo (Nafarroa), Iker Vicente (Nafarroa) eta Xabier Zaldua (Bizkaia).
54 kana erdiko zazpi enbor moztu ondoren jakingo da nortzuk sailkatzen diren. Sarrerak salgai daude Donostia Kulturako webgunean. Horrez gain, probaren egunean, sarrerarik izanez gero, Victoria Eugenia Antzokiko leihatilan eta Trinitate plazan bertan erosi ahal izango dira.
