Arkaitzerreka kutsatzen jarraitzen du Zubietako erraustegitik ateratzen den hodi batek
Gipuzkoako Hondakinen Kontsortzioak bidez adierazi du isurketa ez duela erraustegiak eragin, baina oraindik ez dute argitu nondik sortu den.
(Argazkia: Erraustegiaren Aurkako Mugimendua) 
Atzo bezala, Zubietako Arkaitzerreka ibaia kutsatzen jarraitzen du erraustegiak. Horrela jakinarazi du Argia hedabideak, Erraustegiaren Aurkako Mugimenduak egindako salaketaren harira. Atzo, URA agentzia, eta Donostiako eta Usurbilgo Udaltzaingoa bertan izan ziren isurketaren laginak hartzen aztertzeko. Erakunde bakar batek ere ez du oraingoz azalpenik eman.
Fernando Iturralde Erraustegiaren Aurkako Mugimenduko kideak isurketen jarraipena egiten ari da. Hauxe duzue gaurko bideoa:
Gipuzkoako Hondakinen Kontsortzioak ohar baten bidez adierazi du Arkaitzerrekako isurketa ez duela erraustegiak eragin. Era berean, laginak aztertzen ari direla gaineratu dute, eta emaitzak jakin bezain laster jakinaraziko dituztela.
