IRUTXULOKO HITZAk Donostiako Piratei buruzko gehigarri berezia argitaratuko du
HITZAkideeek ostiraleko astekariarekin batera jasoko dute etxean, eta webgunean ere izango da eskuragarri.
IRUTXULOKO HITZA sorreratik izan da Donostiako Piraten bozgorailu. Komunikabidearen lehen urtean, 2005ean, Aste Nagusi Piratari buruzko gehigarri berezi bat banatu zen Parte Zaharrean, eta aurretik ere, Irutxulo astekarian eman zuen jai herrikoien berri. Geroztik, urtero egin du festen jarraipen zabala. Aurten, Donostiako Piraten 20. urtemugarekin batera, mugimenduaren historia biltzen duen argitalpen bat argitaratuko du. Piraten historiako unerik gogoangarrienak errepasatu ditu iruditan, eta mugimenduko kide batzuekin hitz egin du luze eta zabal. Aste Nagusi Pirataren egitarau osoa ere aurkituko dute irakurleek.
Ostiralean banatuko da, astekariarekin batera, eta webgunean, eguneratzen joango den atal berezi bat zabalduko du. Aste Nagusian zehar IRUTXULOKO HITZAk webgunean emango du piraten jaien berri, bideo, kronika eta irudi bildumen bidez.
Piraten Ezkila kapitaina ageri da gehigarriaren azalean. Irudian, gehigarrirako irudiak prestatzen.
